Синоптиктер қалада жаңбырлы, күз мезгіліне тән салқын ауа райы болады деп болжады, – деп хабарлайды aqshamnews.kz тілшісі.
"Қазгидромет" РМК-ның Алматы қаласы және Алматы облысы бойынша филиалының жетекші инженер-синоптигі Дәулет Кісебаевтың айтуынша, Қазақстан аумағы арқылы өтетін қуатты солтүстік циклонға байланысты жауын-шашын туындайды.
"3-4 қазанда қалада күзгі жылы ауа райы сақталып, жауын-шашын болмайды. Ауа температурасы түнде: +9...+14°С, күндіз: +22...+27°С. 5 қазанда атмосфералық фронттардың өтуіне байланысты ауа райы күрт өзгереді: жаңбыр жауады, түнде кей уақытта нөсер жаңбыр жауып, екпінді жел соғады", – дейді орталық өкілі.
Маманның айтуынша, демалыс күндерінен кейін қаладағы ауа температурасы түнде: +8...+10°С, күндіз. +12...+14°С. Кейінгі күндері жауын-шашын тек қаланың таулы аудандарында ғана сақталады, алайда ауа райы салқын күйінде қала береді.
"Алдағы аптаның соңына қарай ауа температурасы біртіндеп көтеріледі, түнде: +10...+12°С, күндіз: +18...+20°С", – дейді Дәулет Кісебаев.
Алматы қаласы бойынша 2026 жылғы 3-9 қазан аралығына арналған ауа райы болжамы:
3 қазан: аспан бұлтты, күн райы жауын-шашынсыз. Оңтүстік-батыстан, батыстан жел соғады, екпіні - 3-8 м/с. Ауа температурасы түнде: +9...+11°С, күндіз: +22...+24°С.
4 қазан: аспан бұлтты, күн райы жауын-шашынсыз. Батыстан жел соғады, екпіні - 3-8 м/с. Ауа температурасы түнде: +12...+14°С, күндіз: +25...+27°С.
5 қазан: аспан бұлтты, жаңбыр жауады, түнде кей уақытта нөсер жаңбыр болады. Солтүстік-батыстан соққан желдің екпіні 3-8 м/с, кей уақыттарда 15-18 м/с дейін жетеді. Ауа температурасы түнде: +8...+10°С, күндіз: +12...+14°С.
6 қазан: аспан бұлтты, түннің бірінші жартысында жаңбыр жауады. Солтүстік-батыстан, солтүстіктен соққан желдің екпіні 3-8 м/с, кей уақыттарда 13 м/с дейін жетеді. Ауа температурасы түнде: +5...+7°С, күндіз: +13...+15°С.
7 қазан: аспан бұлтты, күн райы жауын-шашынсыз. Солтүстік-шығыстан жел соғады, екпіні - 3-8 м/с. Ауа температурасы түнде: +6...+8°С, күндіз: +14...+16°С.
8 қазан: аспан бұлтты, күн райы жауын-шашынсыз. Солтүстік-шығыстан жел соғады, екпіні - 3-8 м/с. Ауа температурасы түнде: +8...+10°С, күндіз: +16...+18°С.
9 қазан: аспан бұлтты, күн райы жауын-шашынсыз. Солтүстік-шығыстан жел соғады, екпіні - 3-8 м/с. Ауа температурасы түнде: +10...+12°С, күндіз: +18...+20°С.