Алғашқы кредиттік бюро сарапшыларының есебіне сәйкес, биылғы жылдың екінші тоқсанында Алматы тұрғындарының демалыс пен ойын-сауыққа жұмсаған орташа шығындары жан басына шаққанда 8,6 мың теңгені құрады. Бұл республика бойынша орташа көрсеткіштен 2,4 есе жоғары.
«Карағанды облысы тұрғындарының шығындары да осыған жақын. Астаналықтармен салыстырғанда, алматылықтар 25%-ға артық жұмсаған – елорда тұрғындарының демалысқа орташа шығыны 7 мың теңге. Ең аз шығын Абай облысында тіркелді – жан басына шаққанда бар болғаны 916 теңге», – деп мәлімдеді сарапшылар.
Сонымен қатар, алматылықтар денсаулыққа да көп қаражат жұмсайды. Сәуір-маусым айларында денсаулық сақтау қызметтеріне жан басына шаққанда 8,1 мың теңге бөлінген, бұл да республика бойынша орташа көрсеткіштен екі есе көп.
Алматылықтардан кейін Шығыс Қазақстан және Астана тұрғындары келеді – олар медицинаға 5,5 мың теңге жұмсайды. Ең аз шығын Шымкентте – жан басына шаққанда небәрі 1,7 мың теңге