Бүгін қаланың барлық ауданы Астана күнін атап өтті.
Дәстүр бойынша Орталық мәдениет және демалыс саябағының жаздық сахнасында қаланың шығармашылық ұжымдарының қатысуымен мерекелік концерт өтті, деп хабарлайды Almaty-akshamy.kz
Мерекелік бағдарламаның шымылдығын әр тілде ән шырқаған өнерлі балалар ашты. Оқушылар патриоттық және заманауи композициядағы шығармаларды орындады.
Концертті тамашалауға алматылықтар отбасымен келді.
Бүгін концерттік бағдарламадан бөлек қалада түрлі шеберлік сағаттары, флешмобтар, көрмелер, дәріс пен поэзия кештері өтеді.
Жыл сайын атап өтілетін мереке жалпыхалықтық сипатқа ие болып келеді. Бүгін қаламыздың барлық ауданында мерекелік кештер өтті. Ашық аспан астындағы кешкі концертке Луина, Ziruza, Akim, Kyle Ruh, Bonapart, C.C.Tay, Malika Yes, Aya Funk, Rin'Go, «Жігіттер», «Бақай» топтары және басқа да қазақ эстрадасының өкілдері қатысады делінген.
Мерекеге орай Астанада 100-ге жуық түрлі іс-шаралар өтеді. Қала тұрғындары мен қонақтар назарына концерттік бағдарламалар, фестивальдар, спорттық турнирлер және тағы басқа қызықты шаралар ұсынылады.