Олар жекеменшік үй мен жапсарлас орналасқан сарайдан шыққан өртті жойды.
13 қыркүйек күні 10 сағат 7 минутта өрт сөндірушілер Медеу ауданында Сабыр Шәріпов көшесі, 34-үйдегі өрт туралы хабарламаға жөнелтілді. Оқиға орнына жылдам жеткен мамандар өртті 15 минутта сөндірді, деп хабарлайды Almaty-akshamy.kz.
Өрт сөндірушілер оқиға орнында 5 минутта жеткен. 40 шаршы метрде жекеменшік үй мен жапсарлас орналасқан сарайдың жанып жатқанын анықтаған.
"Өрт оқпандары іске қосылып, автоцистерна гидрантқа 60 метр қашықтыққа орнатылды, үздіксіз су беру қамтамасыз етілген. Қабылданған жедел шаралардың арқасында өрт 10 сағат 16 минутта ауыздықталып, 10 сағат 22 минутта 40 шаршы метр жалпы алаңда өрт жойылды",- делінген Алматы қаласының Төтенше жағдайлар жөніндегі департамент хабарламасында.
