ҚТЖ «Жолаушылар тасымалы» АҚ өкілдері мен Сиань қаласының (ҚХР) үкіметінің делегациясы Сиань қаласынан Алматыға халықаралық туристік жолаушылар пойызын шығаруды ұйымдастыру мәселесін талқылады.
Туристік пойыз Үрімші – Алматы-2 бағытындағы №103/104 жолаушылар пойызының кестесі бойынша «Қорғас-Алтынкөл» шекара өткелінен өтеді, деп хабарлайды Almaty-akshamy.kz.
«Пойыз Алматы-2 станциясында бірнеше күн болады. Осы уақыт ішінде Қазақстан тарапы жолаушылар үшін теміржол вокзалында қауіпсіздік шараларын қамтамасыз етіп, мәдени-көпшілік іс-шараларды ұйымдастыруға жәрдемдеседі», деп хабарлады «Жолаушылар тасымалы» АҚ баспасөз қызметі.