Алматының Түрксіб ауданы тұрақты экономикалық өсімімен ерекшеленіп отыр. Бұл туралы қала әкімі Ерболат Досаев аудан тұрғындарымен кездесу барысында айтты, деп хабарлайды aqshamnews.kz
• 9 ай ішінде негізгі капиталға салынған инвестиция 21%-ға, оның ішінде жеке инвестициялар 27%-ға өсті. Ауданға 150 млрд теңге инвестиция тартылды.
• Ауданда кәсіпкерлер саны 7,8%-ға артып, бүгінгі күні 29 мыңнан асты. Бұл 3,5 мың жаңа жұмыс орнын құруға және салық түсімін 164 млрд теңгеге дейін ұлғайтуға мүмкіндік берді.
• Ауданның бюджеті бір жылда 4 есе өсті: 2023 жылдың басындағы 5,4 млрд теңгеден 2024 жылы 23,5 млрд теңгеге дейін жетті. Бұл қаражат инженерлік және жол инфрақұрылымын жаңартуға, сондай-ақ қоғамдық кеңістіктерді абаттандыруға бағытталды.
Алматы қаласы бойынша да жоғары инвестициялық белсенділік байқалып отыр. 9 айдың қорытындысы бойынша 1 133 млрд теңге инвестиция тартылды, бұл өткен жылмен салыстырғанда 8,1%-ға көп.