Кезекті маусым режиссер Антон Зайцевтің «Ояну» спектаклінің премьерасымен ашылады, деп хабарлайды aqshamnews.kz
Бұл жолы Антон Зайцев әлемдегі ең көне әдеби мәтіндердің бірі — «Гильгамеш туралы эпосқа» жүгінеді.
«Алтыншы маусым – бұл махаббат туралы! Өзіңе деген махаббат, адамға деген махаббат, жақындарыңа деген махаббат. Біз театрды махаббатқа толтырғымыз келеді. Өйткені үлкен махаббат – бұл маңызды, ол біздің өмірімізді басқарып отыратын күш!» – дейді Антон Зайцев.
«Ояну» – бұл өмірге, әлемге және жалпы адам болудың, махаббаттың және мәңгіліктің мәнін ашатын сұрақтарға жауап беретін спектакль. Қойылымға халықаралық команда жұмыс істейді: суретшілер – Юлия Чернова (Қазақстан) және Ульяна Глумова (Ресей), драматург Евгений Ионов (Ресей), әнші және композитор Нұрғазы Қуанышбек (Қазақстан).
Театрдың алтыншы маусымдағы жоспарында ересектерге, жасөспірімдерге және балаларға арналған он жаңа қойылым бар, оның бесеуі 2024 жылдың соңына дейін көрерменге ұсынылады.
«Тотальный театр» – жыл сайын өз сахнасында театр фестивальдерін ұйымдастырып, жасөспірімдерге арналған спектакльдер қойып келе жатқан санаулы жекеменшік театрлардың бірі.
Премьера 1 қазан күні сағат 19.30-да Алматы қаласы, Шевченко көшесі, 114-үй мекенжайындағы «Тотальный театр» сахнасында өтеді.
Байланыс нөмірі: +77021630156 Дина.