Алматы әкімі Бақытжан Сағынтаев Жетісу ауданы Ақтолқын көшесіндегі өртенген үйдің тұрғындарымен кездесті. Қала басшылығы оларға жаңа баспана сатып әперді.
Мегаполис әкімі Бақытжан Сағынтаев Instagram-дағы өзінің аккаунтында өртенген үйде тұратын отбасыларға барғаны туралы айтты, деп хабарлайды Almaty-akshamy.kz
Қала әкімі тұрғындармен бірге әрлеу жұмыстары жүріп жатқан жаңа үйді қарап шықты.
«Бүгін өрттен зардап шеккен 14 отбасының мәселесіне нүкте қойылды. Жетісу ауданы Ақтолқын көшесіндегі үй қалпына келтірілмейді. Тұрғындармен бірге салынып жатқан үйден жергілікті бюджет қаражаты есебінен сатып алынатын жаңа пәтерлерді қарадық. Көшуге біраз уақыт қалды. Болашақ қоныс иелеріне бақыт тілейміз!» - деп жазды Бақытжан Сағынтаев.
Жаңа үй де Жетісу ауданында орналасқан. Осылайша қалалықтардың жоспарланбаған қоныс аударуға бейімделуі жеңіл өтетін болады.