Алматыдағы ойын-сауық мекемелерінде карантинге байланысты шектеулер бұзылып жатыр. Мейрамхана иелері белгіленген жұмыс уақытын елемейді. 21-23 тамыз аралығында жиналған материалдар аудандық санитарлық-эпидемиологиялық бақылау департаментінің аудандық бөлімшелеріне жіберілді.
Барлық фактілер бойынша әкімшілік жаза қолданылады. Бұл арада тексерушілер болған мекемелердің жанында полицейлердің автопосттары кезекшілік ететін болады, деп хабарлайды Almaty-akshamy.kz
Алматы қаласының санитарлық-эпидемиологиялық бақылау департаменті 20 наурыздан 23 тамыз аралығында мониторингтік топтардың 2 мыңға жуық карантиндік бұзушылықты анықтағанын есептеді.
Эпидемиологтардың айтуынша, коронавирусқа байланысты қаладағы қазіргі жағдай әлі де күрделі. Соңғы аптада симптомды науқастардың үлесі 94,2%-ды құрады. Сондықтан құрамына әкімдік, полиция қызметкерлері, кәсіпкерлер палатасының өкілдері мен еріктілер кіретін мобильді топтар шағын және орта кәсіпкерлік субъектілерінің, қала тұрғындары мен қонақтарының карантиндік шектеулерді сақтауы бойынша профилактикалық жұмыстарын жалғастыруда.
Эпидемиологиялық талаптарды бұзатын ойын-сауық мекемелері, кафелер, мейрамханалар, караоке, барлар, сауда орталықтары сияқты нысандарға ерекше көңіл бөлінеді. Атап айтқанда, Ashyq жобасы аясында жұмыс істейтін кәсіпкерлік субъектілері тексерілуде.
Сонымен, 21-22 тамыз аралығында мониторингтік топтар белгіленген шектеулердің 20 бұзушылығын анықтады. Мысалы, 21 тамызда сағат 19.00 шамасында тыйым салынғанына қарамастан, Әуезов ауданы, Ақсай 4 шағын ауданында «Достар» мейрамханасы жұмыс істеп, онда 150 қонақтың қатысуымен іс-шара өтті.
Дәл сол күні Наурызбай ауданының тексерушілері кешкі сағат 17.10 шамасында Ақжар шағын ауданындағы «Самир» мейрамханасында 80 келуші болған заң бұзушылықты анықтады.
Тағы бір банкет жасырын түрде Наурызбай ауданы, Дрозды көшесіндегі жеке үйде өтті, онда 30 қонақ болды. Тексерушілер хабарлағандай, мұнда құдалық болған.
21 тамызда Алмалы ауданының мониторингтік тобы кешкі сағат 22 шамасында карантинді бұзған 50 адам бар «Летний двор» кафесінің жұмысын тоқтатты.
Сол күні шамамен сағат 23.00-де Алмалы ауданының Құрманғазы көшесіндегі «1917» кафесінде тәртіп бұзушылық анықталды, шамамен 16.30-да Бостандық ауданындағы «Bi Kumis» мейрамханасында 100 қонақ шақырылған банкет тоқтатылды.
22-23 тамыз аралығында Алматыда 12 карантиндік бұзушылық анықталды. Тексерушілер жексенбі, 22 тамызда, демалыс күндері жұмысқа толық тыйым салынғанына қарамастан, Бостандық ауданы Алма Арасан көшесіндегі «Холам» кафесінің жұмыс жасап жатқанын хабарлады. Мекеме ішінде 30-ға жуық келуші болған.
Сол күні Дулати көшесінде «У Исабая» кафесі жұмыс жасаған, тексерушілер 80 келушінің демалысын тоқтатты.
22 тамызда Алатау ауданында мониторингтік топ «Фируза» мейрамханасының ашылғанын және 40 қонақтың болғанын анықтады.
Наурызбай өңірінде 60 келушінің қатысуымен іс-шара өткізілген «Нұр-Ай» мейрамханасында карантин талаптарының бұзылуы тіркелді.
Алматыда патрульдік автоэкипаждар ойын-сауық мекемелерінің жанында кезекшілік жасауда, мұндай шарамен барлығы 150-ге жуық нысан қамтылған.
Алматыдағы мониторингтік топтар өкілдерінің айтуынша, карантиннің бұзылуын анықтау жұмыстары жалғасады. Халық карантин талаптарын қатаң сақтауы, адамдар көп жиналатын жерлерден аулақ болғаны, бетперде режимін ұстануы, әлеуметтік қашықтықты сақтаулары тиіс.