Қазақстан Жазушылар одағында орыс әдебиеті және әдеби байланыстар жөніндегі кеңестің отырысы өтті, деп хабарлайды aqshamnews.kz
Жиналысты кеңес төрағасы Василий Шупейкин ашып, күн тәртібіндегі мәселелерді таныстырды. Жиынға Қазақстан Жазушылар одағы Басқарма төрағасының орынбасары Қасымхан Бегманов қатысып, жанрлық кеңестің мақсат мүддесіне тоқталып, кеңес мүшелері қойған сұрақтарға жауап берді. Сондай-ақ Қазақстан Жазушылар одағының биылғы жылғы атқаратын жұмыстары жайлы тарқатып айтып өтті.
Отырыс барысында кеңес мүшелерінің қызметтік міндеттері нақты бөлініп, олардың атқаратын жұмыстары жүйеленді. Сонымен қатар, қаңтар айында атқарылған жұмыстар бойынша есеп беріліп, талантты жастарды Қазақстан Жазушылар одағына қабылдау мәселелері талқыланды.
Кеңес мүшелері жас қаламгерлерді қолдау және олардың шығармашылық дамуына жағдай жасау бағытында бірлескен жұмыстар жүргізу туралы келісімге келді. Жиналысқа Кеңес төрағасының орынбасарлары Валерий Толмачев, Светлана Ананьева, Кеңес хатшысы Людмила Лазарева, сондай-ақ Кеңес мүшелері Ерұлан Қанапиянов, Сағынкерей Байменов, Надежда Чернова, Карина Галай, Анастасия Кириленко және Михаил Земсков қатысып сөз сөйледі.