Алматыдағы Думан шағынауданында ұлттық киім киген аға буын өкілдері дауыс беруге келді, – деп хабарлайды aqshamnews.kz тілшісі.
Алматының Медеу ауданындағы Думан шағынауданында референдум учаскесіне ұлттық киім киген аға буын өкілдері келді. Олардың қатарында «Думан сазы» халық ансамблінің қатысушылары да бар.
Егде жастағы тұрғындар жарқын ұлттық киімдерімен дауыс берушілердің назарын аударып, учаскеде ерекше атмосфера қалыптастырды.
Олардың айтуынша, референдумға қатысу – өз ұстанымын білдіріп, ел өміріндегі маңызды оқиғалардан шет қалмаудың бір мүмкіндігі.
Жалпы Медеу ауданында дауыс беру белсенді өтіп жатыр – түрлі жастағы тұрғындар референдум учаскелеріне келіп, өз таңдауларын жасап жатыр.