30 тамызда Алматыдағы Абай алаңында Қазақстан Конституциясының 30 жылдығына арналған салтанатты іс-шаралар өтеді, деп хабарлайды aqshamnews.kz
Басталуы 18:00-де – Мемлекеттік Туды шығару және Әнұран орындалады.
Сондай-ақ 200-ден астам артист қатысатын театрландырылған қойылым қойылады. Олардың арасында Роза Рымбаева, Тамара Асар, Жанар Айжанова, Айгүл Қосанова, «МузАрт Life» тобы және басқа да өнер жұлдыздары бар.
19:00-де Республика сарайының алдында ашық аспан астында «Алматы – махаббатым» спектаклі өтеді.
20:00-де «Алматы әуендері» концерті басталады. Оған Саяат Нұрғазин, Димаш Дәулетов, Kyle Ruh және өзге де эстрада жұлдыздары қатысады.
Open-air концерттің хедлайнерлері – Yenlik пен Қайрат Нұртас. Мерекелік бағдарлама сағат 22:00-де аяқталады.
Сонымен қатар, 27–29 тамыз аралығында қаланың әр ауданында концерт пен мәдени іс-шара ұйымдастырылады.