Алматы полициясының қызметі Мемлекет басшысы берген тапсырмаларды орындауға, сондай-ақ барлық саладағы қызметті жақсартуға бағытталған.
Жалпы, қаладағы қылмыстық ахуал тұрақты және бақылауда. Қылмысты ашу бойынша жұмыстың тиімділігі артты, деп хабарлайды Almaty-akshamy.kz Polisia.kz-ке сілтеме жасап.
Қалалық ПД деректері бойынша, осы жылдың алты айында қалта ұрлығы 3,8 есеге, пәтер ұрлығы 44%-ға, сондай-ақ көлік салонынан бөтеннің мүлкін ұрлау 47%-ға азайған. Сонымен қатар, жыл басынан бері кәмелетке толмағандар арасындағы қылмыс (-14,5%), отбасы-тұрмыстық қатынастар саласындағы қылмыстық құқықбұзушылықтар (-14,3%), бұрын сотталғандардың заңсыз әрекеттері де (-47,8%) төмендеген.