Қатысушылар көкпар, аударыспақ, теңге ілу, жамбы ату, аламан бәйге сынды спорт түрлерінен бақ сынауда. 
Алматы ипподромында V Дүниежүзілік көшпенділер ойындары қарсаңында «Ұлы Дала Ойындары» ұлттық спорт түрлерінен фестиваль өтуде, деп хабарлайды aqshamnews.kz
Сондай-ақ қонақтар үшін асық ату, тоғызқұмалақ, гір көтеру және қол күресінен шеберлік сабақтары ұйымдастырылған.
«Жарыстар ұлттық спортты кеңінен насихаттау, сондай-ақ V Дүниежүзілік көшпенділер ойындарын таныстыру мақсатында өткізілуде. Жарыстар спорттың 12 түрінен өтеді. Қатысушылар біздің шақыруымыз бойынша еліміздің әр өңірінен келді», - деді ұйымдастырушылардың бірі Нұрлан Оспанов.
Айта кетерлігі, Аламан бәйгенің жүлде қоры 3 миллион теңге, Құнан бәйгеге 2 миллион теңге тігілген.
Ұйымдастырушылардың тағы бірі Бауыржан Талғатұлының айтуынша, бәйгеден Әкім кубогына үшін іріктеу 11 тамызда өтеді.
V Дүниежүзілік көшпенділер ойындары 8-13 қыркүйекте Астанада өтеді, оған 89 елден 2 мыңнан астам қатысушы келеді.
Бұған дейін Ж. Үшкемпіров атындағы Жекпе-жек сарайында қандай жарыстар өтетінін хабарлаған болатынбыз.