Алматылықтарды қолжетімді баспанамен қамтамасыз ету – әкімдіктің басты міндеті.
Әсіресе, үй кезегінде тұрған және жалдамалы пәтер күтіп жүрген азаматтарға ерекше көңіл бөлінеді. Бұл туралы Алматы қаласы әкімінің орынбасары Бейбіт Шаханов Өңірлік коммуникациялар қызметінде өткен брифингте айтты, - деп хабарлайды Aqshamnews.kz.
Оның сөзінше, соңғы жылдары қалада тұрғын үй құрылысы белсенді жүріп жатыр. Ұзақ жылдар бойы пәтер кезегінде тұрған тұрғындардың көбі бүгінде өз пәтерлеріне көшіп алды.
«Қазір Қалқаман-2 шағынауданында 594 пәтерлі 7 үй салынып жатыр. Кезекте тұрған азаматтар келесі жылы жаңа пәтер алады», – деді әкім орынбасары.
Мемлекеттік жалдамалы тұрғын үй бағдарламасы бойынша бүгінге дейін 885 пәтер сатып алынды. Жыл соңына дейін тағы 2 265 пәтер алу жоспарланған.
Ескі үйлерді жаңарту жұмыстары да жалғасып жатыр. Биыл тоғыз айда 390 отбасы жаңа пәтерге көшті. Кейбір тұрғындарға жаңа пәтер берілді, ал кейбіріне үйлерінің нарықтық бағасына сай ақша төленді.
Алматылықтар төмендегідей аудандарда жаңа қонысқа ие болды:
• Түрксіб ауданында – 127 адам,
• Жетісу ауданында – 107 адам,
• Алмалы ауданында – 58 адам,
• Алатау ауданында – 42 адам,
• Әуезов ауданында – 26 адам,
• Медеу ауданында – 18 адам,
• Бостандық ауданында – 12 адам.
Алматыда жыл басынан бері апатты жағдайда тұрған 12 ғимарат сүрілсе, жыл соңына дейін тағы алтауы сүріледі деп жоспарлануда. 2025 жылдың соңына қарай қоныс аударған тұрғындардың жалпы саны 667-ге жетеді деп күтілуде.
«Тұрғын үйлерді жөндеу – бұл жай ғана ескі ғимараттарды бұзу емес, бұл қаланың экологиясын жаңарту және алматылықтардың өмір сүру сапасын жақсартуға бағытталған кешенді жұмыс», - деп атап өтті облыс әкімінің орынбасары.
Алматыда жүзеге асырылып жатқан тұрғын үй құрылысы мен жөндеу бағдарламалары мегаполис тұрғындары үшін қолайлы жағдай жасауға және азаматтардың барлық санаттары үшін тұрғын үйге қолжетімділікті арттыруға бағытталған.
Алматыда жүзеге асырылып жатқан тұрғын үй құрылысы мен жөндеу бағдарламалары мегаполис тұрғындары үшін қолайлы жағдай жасауға және азаматтардың барлық санаттары үшін тұрғын үйге қолжетімділікті арттыруға бағытталған.
