«Алматы қаласы Білім басқармасы» КММ мемлекеттік мектепке дейінгі ұйымдардың бос басшылық лауазымдарына конкурс жариялады. Байқау аясында Алатау, Бостандық, Медеу және Түрксіб аудандарындағы 4 бөбекжай-балабақшаға меңгеруші қабылданады, - деп хабарлайды aqshamnews.kz тілшісі.
Қандай ұйымдарға меңгеруші қажет?
1) «Санаториялық №38 бөбекжай-балабақшасы» КММ
Мекенжайы: Алматы қаласы, Алатау ауданы, Куприна көшесі, 7 үй.
Қызмет түрі: мектепке дейінгі білім беру. 1999 жылдан жұмыс істейді.
Жобалық қуаты: 90 бала. Оқыту тілі: аралас.
2) «№201 бөбекжай-балабақшасы» МКҚК
Мекенжайы: Алматы қаласы, Бостандық ауданы, Орбита-3 шағын ауданы, 27 үй.
Қызмет түрі: мектепке дейінгі білім беру. 2025 жылдан жұмыс істейді.
Жобалық қуаты: 240 бала. Оқыту тілі: қазақ тілінде.
3) «№195 бөбекжай-балабақшасы» МКҚК
Мекенжайы: Алматы қаласы, Медеу ауданы, Бегалин көшесі, 121 үй.
Қызмет түрі: мектепке дейінгі білім беру. 2023 жылдан жұмыс істейді.
Жобалық қуаты: 140 бала. Оқыту тілі: аралас.
4) «№145 сөйлеу тілінде күрделі бұзылыстар бар балаларға арналған арнайы бөбекжай» КММ
Мекенжайы: Алматы қаласы, Түрксіб ауданы, Сейфуллин көшесі, 188 А үй.
Қызмет түрі: мектепке дейінгі білім беру. 1999 жылдан жұмыс істейді.
Жобалық қуаты: 60 бала. Оқыту тілі: аралас.
Еңбекақы мөлшері
Лауазымдық жалақы жұмыс өтіліне қарай 181 571 теңгеден 220 150 теңгеге дейін.
Үміткерге қойылатын талаптар
Негізгі талаптар:
- жоғары (жоғары оқу орнынан кейінгі) педагогикалық білім немесе тиісті бейін бойынша өзге кәсіптік білім немесе педагогикалық қайта даярлау туралы құжат;
- педагогикалық жұмыс өтілі 5 жыл, оның ішінде мектепке дейінгі ұйымдағы соңғы 2 жыл (ауылдық жерде – 3 жыл, оның ішінде соңғы 1 жыл мектепке дейінгі ұйымында);
- немесе бірінші/жоғары біліктілік санаты, педагог–сарапшы/зерттеуші/шебер санаты;
- немесе басшы орынбасарының санаттары, не басшы-ұйымдастырушы/менеджер/көшбасшы санаты.
Арнайы мектепке дейінгі ұйым басшысы үшін (№145 арнайы бөбекжай):
- «Арнайы білім» бағыты бойынша жоғары педагогикалық білім (немесе тиісті бейін, қайта даярлау туралы құжат);
- біліктілікті арттыру курстарынан өткені туралы сертификат;
- педагогикалық өтілі 3 жыл, оның ішінде мектепке дейінгі ұйымында 1 жыл;
- және/немесе педагог, педагог–сарапшы/зерттеуші/шебер, бірінші/жоғары санаттарының бірі.
Лауазымдық міндеттер (қысқаша)
Меңгеруші:
- мектепке дейінгі ұйым қызметін нормативтік актілерге сай басқарады;
- педагогикалық кеңестің жұмысын ұйымдастырады; оқу жоспарлары мен бағдарламалардың орындалуын қамтамасыз етеді;
- ерекше білім берілуіне қажеттілігі бар балаларға жағдай жасап, ата-аналарды психологиялық-педагогикалық сүйемелдеуді үйлестіреді;
- тәрбиеленушілер контингентін қалыптастырып, әлеуметтік қорғалуды қамтамасыз етеді;
- балалардың денсаулығын сақтау, тамақтану мен медициналық қызметті ұйымдастыруға жағдай жасайды;
- мүлік пен қаражатты тиімді басқаруды, жыл сайынғы есептілікті қамтамасыз етеді;
- кадрларды іріктеу, орналастыру, қызметкерлердің біліктілігін арттыру жұмыстарын жүргізеді.
Қайда, қашан өтеді?
- Өткізу орны: «Алматы қаласы Білім басқармасы» КММ, Алматы қаласы, Республика алаңы, 4.
- Өтінім қабылдау мерзімі: хабарландыру «Алматы ақшамы», «Вечерний Алматы» газеттерінде және edualmaty.kz сайтында жарияланған сәттен бастап 7 жұмыс күні ішінде.
Құжаттар тізімі
- өтініш (нысан бойынша);
- жеке куәлік (көшірме/цифрлық құжат);
- кадрларды есепке алу жөніндегі жеке парақ + фото;
- диплом көшірмесі;
- еңбек қызметін растайтын құжат көшірмесі;
- 075/у нысанындағы денсаулық анықтамасы;
- психикалық мінез-құлық бұзылыстары бойынша диспансерлік есепте тұрмағаны туралы анықтама;
- наркологиялық есепте тұрмағаны туралы анықтама;
- сертификаттаудан өткені туралы сертификат;
- ҚАЗТЕСТ / QAZAQ RESMI TEST сертификаты (В1 деңгейінен төмен емес);
- түйіндеме;
- біліктілік санатын беру/растау туралы куәлік.
Ескерту: 4–9-тармақтардағы кейбір құжаттар көрсетілетін қызметті берушіде ақпараттық жүйелерден алу мүмкіндігі болса, талап етілмеуі мүмкін.
Құжат тапсыру мекенжайы және байланыс
Қажетті құжаттар: Алматы қаласы, Республика алаңы, 4 үй, Алматы қаласы Білім басқармасы.
Электронды пошта: service.ok.2@mail.ru
Ақпаратты нақтылау үшін байланыс телефоны: +7 707 358 32 42
Электронды адрес: service.ok.2@mail.ru