Алматыда терроризмге қатысты бар 5 адамға үкім шықты, - деп хабарлайды Аqshamnews.kz тілшісі.
Алматы қаласында, сондай-ақ Жамбыл және Батыс Қазақстан облыстарында, Астана қаласында терроризмді насихаттап, шетелдегі соғыс қимылдары жүріп жатқан аймақтарға шығуға әрекеттенген 5 адамға 4 жылдан 8 жылға дейін бас бостандығынан айыру жазасы кесілді.
Алматы облысында түзеу мекемесінде жазасын өтеп жатқан радикалды идеология жақтаушысы жаңа қылмыс жасап, тағы да сотталды. Терроризмді насихаттап, кісі өлтіруге әрекеттенгені үшін оған қосымша 9 жыл түрме жазасы тағайындалды.
Ұлттық қауіпсіздік комитеті Алматыда да, өзге өңірлерде де терроризм мен діни экстремизмнің алдын алу және жолын кесу жұмыстарының жүйелі түрде жүргізіліп жатқанын атап өтті.