Оқиға Алматының Алмалы ауданында сағат 11:40-та орын алды, деп хабарлайды aqshamnews.kz
Қалалық жол полициясының мәліметінше 88-ші бағыттағы автобусы жеке тасымалдаушыға тиесілі. Әуезов көшесімен солтүстік бағытта қозғалып келе жатып, Гоголь көшесінен солтүстікке қарай бағыт алған тепловозбен соқтығысқан.
Апат салдарынан алдын ала ақпарат бойынша автобус ішінде алты жолаушы жарақат алды. Оларға дереу медициналық көмек көрсетілді.
Қазіргі таңда оқиға орнына құқық қорғау органдары мен апат салдарын тексеріп жатқан мамандар жұмыс істеп жатыр. Жарақат алғандардың жағдайы мен төтенше жағдайға қатысты қосымша ақпараттар кейінірек жариялаймыз.