Медеу ауданында қала күніне орай спорт алаңқайы ашылды.
Спорт алаңы баскетбол, скейтбординг сынды спорттың түрлеріне қызығатын жастарды қолдау мақсатында салынып отыр.
Төле би мен Орманов көшелерінің қиылысындағы бұл кешеннің ерекшелігі, көпірдің астында орналасқан. Қала тұрғындары мен қонақтары кез келген уақытта келіп, спортпен айналыса алады.
Ашылу салтанатынан кейін ерлер мен әйелдер арасында баскетболдан жарыс ұйымдастырылып, жеңімпаздар марапатталды.
“Халықты, әсіресе жастарды салауатты өмір сүруге, спортқа баулуға әсер етеді. Қазіргі таңда баскетбол және скейтбордингке қызығатын әуесқой спортшылар көбейіп келеді. Спортты серік еткен жастар жыл он екі ай шұғылдана алады. Сондай-ақ бұл алаңда спорттық іс-шаралар өтеді”,- дейді Медеу ауданы әкімі аппаратының мәдениет және тілдерді дамыту бөлімінің басшысы Айдар Еркінұлы.