Ниет білдірген азаматтарға бос жұмыс орындары ұсынылды.
Алматы қаласы Наурызбай ауданы прокуратурасының бастамасымен аудандық пробация қызметінің есебінде тұрған сотталғандар арасында профилактикалық жұмыс жүргізу мақсатында Наурызбай ауданының мәдениет үйінде мамырдың 11 күні пробация қызметі бөлімімен Наурызбай ауданында сотталғандарды жұмыспен қамту мәселесі бойынша кеңес өтті, деп хабарлайды Almaty-akshamy.kz.
Отырысқа Наурызбай ауданы прокуратурасының бөлім бастығы Қарымсақов Ә.,Наурызбай аудандық пробация қызметі бөлімінің басшысы Накыпбеков А.М., Наурызбай аудандық жұмыспен қамту орталығының және Жұмыспен қамту және әлеуметтік бағдарламалар басқармасының басшысы қатысты.
Бұл ретте әрбір жұмыссыз сотталғанмен әңгіме жүргізіліп, әлеуметтік көмекке қатысты мәселелер талқыланып, сұрақтарына жауаптар берілді.
Жұмыспен қамтудың және жаппай кәсіпкерлікті дамытудың мемлекеттік еңбек бағдарламасын жүзеге асыру мақсатында сотталғандарға түрлі бос жұмыс орындары (30-ға жуық жұмыс орны) ұсынылды.
Кездесу нәтижесінде тіркеуде тұрған тұлғалар жұмысқа орналасуға тілек білдірді.