Оның көлігін полиция қызметкерлері Алматының Алатау ауданындағы «Шаңырақ» шағын ауданында бөгеді.
Көлікті тексеру барысында мефедрон салынған байлам тәркіленді, деп хабарлайды aqshamnews.kz Polisia.kz-ке сілтеме жасап.
Ұсталған 21 жастағы жігіттің өзі синтетикалық есірткіні интернет арқылы және бетбелгі қою арқылы сатумен айналысқанын мойындады. Шетелдік азаматтың қалаға бірнеше ай бұрын келгендігі белгілі болды. Қылмыстық мақсаттарына жету үшін күдікті автокөлікті жалға алған. Жұмысының ақысын электронды аударымдар арқылы алып отырған.
Ұсталған азамат уақытша ұстау изоляторына қамалды. Есірткі сату дерегі бойынша Алатау аудандық ПБ қылмыстық іс қозғады. Қылмыстық бизнестің басқа да қатысушыларын анықтау бойынша жедел шаралар жүргізіліп жатыр.