Алматы қаласында 10-20 маусым аралығында шахматтан 26-шы жасөспірімдер арасындағы Азия чемпионаты өтеді, деп хабарлайды аlmaty-akshamy.kz.
Жасөспірімдер арасындағы бұл турнирге әлемнің 34 елінен 650 ойыншы қатысады деп күтілуде. Жарысқа қатысушылар 7-18 жас аралығында және классика, рапид және блиц форматтарында бақ сынамақ.
Чемпионатты Kazchess/Қазақстан шахмат федерациясы мен ҚР Туризм және спорт министрлігі, сондай-ақ Алматы қаласы әкімдігі және Қазақстан теннис федерациясы Азия шахмат федерациясының қолдауымен ұйымдастырды. Шараның бас демеушісі ретінде Freedom Holding Corp.
Азия чемпионаты – шахмат әлемінің болашақ жұлдыздары үшін маңызды алаң. Қатысушылар Иран, Жаңа Зеландия, Өзбекстан, Ресей, Вьетнам, Үндістан, Қырғызстан, Моңғолия, Сингапур, Қытай және Оңтүстік Корея сияқты елдерден келеді.
KazChess президенті Тимур Турловтың айтуынша, осындай беделді турнирді өткізу Қазақстанның шахматтағы позициясын нығайтуға және елімізде шахматты танымал етуге үлкен әсерін тигізеді. Сонымен қатар, чемпионат жас шахматшылар үшін байыпты бәсекелестік тәжірибе жинауға тамаша мүмкіндік болып табылады. Сонымен қатар, қатысушылар мен қонақтарға Қазақстанның мәдениеті мен дәстүрлерімен таныстыруға, Алматының тұмса табиғатын көрсету жағын да ұмыт қалдырмаған.
Чемпионатқа қатысушылардың арасында Қазақстаннан келген Алдияр Ансат пен СурешХарш (Үндістан) есімді екі халықаралық шебер және Амина Қайырбекова (Қазақстан) мен Мафтуна Бобомуродова (Өзбекстан) екі халықаралық әйелдер шебері бар.
Бұл шара Алматы қаласы мен Қазақстанның шахмат әлеміндегі беделін арттырып, жас шахматшыларға өздерін көрсетуге және жаңа есімдерді таныстыруға мүмкіндік береді. Турнирдің жоғары деңгейде ұйымдастырылуы мен қызықты іс-шаралар бағдарламасы қатысушылар мен қонақтарды қуантады.