Бұл - осындай салмақпен туылған екінші сәби.
N2 қалалық перзентханаға 32 жастағы әйел жүктіліктің 39 аптасында патология бөліміне түсті. Түскеннен кейін толғағы ұстаған әйел шұғыл босанып, салмағы 5328 грамм, бойы 60 см нәрестені дүниеге әкелді, - деп хабарлайды Almaty-akshamy.kz Алматы қалалық қоғамдық денсаулық сақтау басқармасының баспасөз қызметіне сілтеме жасап.
Үшінші баласын босанған әйел тіпті сәбидің өлшемдері туралы білмеді. Бұрынғы ультрадыбыстық зерттеуде салмағы 3500-3800 грамм болған.
«Мұндай жағдайлар өте сирек кездеседі. Әйел еш қиындықсыз босанды. Қазіргі уақытта анасы мен жаңа туған нәрестенің жағдайы жақсы, олар үйлеріне шығарылды. Олар перзентханада үш-ақ күн жатты», - дейді бас дәрігердің орынбасарының міндетін атқарушы Куренова Гулнар.
Өз кезегінде емделуші аурухананың барлық қызметкерлеріне алғысын білдірді.
«Мен өзім қызымнан мұндай салмақты күтпедім. №2 перзентхананың бас дәрігерінен бастап барлық медбикелеріне дейін - барша ұжымға шексіз алғысымды білдіремін! Мұнда кәсіби мамандар жұмыс істейді. Бөлмелері тап-таза, тамағы дәмді. Мамандары өз ісіне асқан жауапкершілікпен қарайды. Баршаңызға зор денсаулық, еңбектеріңізге табыс тілеймін», - деді жас ана.
Еске салайық, бұл N2 қалалық перзентханада салмағы 5 келіден асатын нәресте дүниеге келген екінші жағдай болып отыр. Сонымен, мамыр айында перзентхана қызметкерлері босанып, нәтижесінде салмағы 6020 грамм қыз бала дүниеге келген.