Бағалау комиссиясының құрамында актерлер, шеберлер өнер көрсетеді
Қазақстан Республикасы Мемлекеттік орталық музейінде «Балалар жылын» мерекелеу аясында «Қазақстанның таланттары» атты республикалық балалар фестиваль-байқауы өтеді, деп хабарлайды Almaty-akshamy.kz.
Аталған шара 25 қыркүйек күні сағат 10.00-де «Energymax» халықаралық компаниясының қолдауымен өтеді.
Іс-шараға Қазақстанның әр түрлі қалаларынан көп балалы отбасылардың балалары, ерекше балалар, балалар үйінің тәрбиеленушілері қатысады.
Байқаудың мақсаты: Art Sport kz-тен жобаны ілгерілету, республиканың дарынды балаларын анықтау және оларды жоғары сахнаға шығару. Балаларға домбыра, вокал, хореография, фортепиано, балет, гимнастика, актерлік шеберлік бойынша өз таланттарын көрсетуге мүмкіндік беріледі. Бағалау комиссиясының құрамында актерлер, шеберлер өнер көрсетеді.
Ең үздік қатысушыларға сыйлықтар, кубоктар, медальдар мен дипломдар табыс етіледі.
Осы іс-шараға қалалық және республикалық БАҚ өкілдерін шақырамыз.