Алматыда Құлжа тас жолын реконструкциялау жұмыстары басталды. Реконструкциялау барысында Рысқұлов даңғылынан Бұқтырма көшесіне дейінгі учаске кеңейтіліп, жолдың өткізу қабілеті екі есеге арттырылады, деп хабарлайды almaty-akshamy.kz
Жоспарланған жұмыс
Жолдың жалпы ұзындығы 2,3 км құрайтын бұл учаскесінде реконструкциялау жұмыстары жүргізіледі. Жолды 4 жолағы бардан 6 жолағы барға дейін кеңейту жоспарланған, әр бағытта 3 жолақ салынады. Бұл шара аумақтың өткізу қабілетін тәулігіне 40 мың автокөліктен 80 мыңға дейін арттыруға мүмкіндік береді.
Сонымен қатар, жол жиегіне тосқауыл қоршаулар, жарықтандыру және су бұру жүйелері орнатылады. Жаяу жүргіншілердің қауіпсіздігін қамтамасыз ету үшін екі жағынан ені 2-ден 3 метрге дейін тротуарлар жабдықталады.
Жұмыс қалай жүргізіледі
Жолды қайта жаңарту жұмыстары үш кезеңге бөлінген. Бірінші кезеңде жолдың батыс жағы, екінші кезеңде орталық бөлігі, ал үшінші кезеңде шығыс жағы жөнделеді. Әрбір кезеңде екі бағытта да қозғалыс шектелмейді, бұл көлік қозғалысының үздіксіздігін қамтамасыз етеді.
Реконструкция қашан аяқталады
Реконструкция жұмысындағы әрбір учаскенің ұзақтығы шамамен бір айға созылады. Жолдың толық ені бойынша таңбалау және белгілер орнату арқылы қозғалысты осы жылдың 25 тамызына дейін ашу жоспарланған.
Жұмыстың аралық қорытындылары мен қосымша ақпараттарды жол инфрақұрылымына арналған @AlmatyJoly Telegram арнасында және Almaty.kz сайтында жарияланатын болады.
