Алматылық полицейлер кеңселерден 21 ұрлық жасады деген күдікпен екі азаматты ұстады.
Қалалық криминалдық полицияның мәліметінше, екі ер адам – 26 жастағы С. есімді азамат және 27 жастағы Ы. есімді азамат бірнеше ұрлық жасады деген күдікке ілінді, деп хабарлайды Almaty-akshamy.kz Polisia.kz-ке сілтеме жасап.
«Алдын ала мәліметтер бойынша, күдіктілер негізінен тамақтандыру орындарында, сұлулық салондарында, медициналық орталықта және спорт залдарында ұрлық жасап жүрген. Бір сөзбен айтқанда, адам көп болатын жерде: тыныш қана ұрлықты жасап, адамдар арасында адасып кетуге болады. Соңғы жағдайда спорт стадионына келген адам киім ауыстыратын бөлмеде 80 мың теңгесін ұрлатып алған. Тағы бірінде караоке-бардың клиенті ұялы телефонын жоғалтып алған. Қаскөйлерден келген шығынды бойжеткен 370 мың теңгеге бағалаған. Күдіктілер Алатау ауданындағы жеке сектордан да ұрлық жасаған: еркін кіру арқылы материалдық құндылықтары бар дүниелерді ұрлаған», – деді Алматы қалалық полиция департаменті бастығының орынбасары Дидар Аханов.
Қазіргі уақытта ұсталғандардың осыған ұқсас басқа да қылмыстарға қатысы бар-жоғы анықталып жатыр. Одан әрі жедел-іздестіру және тергеу шаралары жүргізіліп жатыр. Қылмыстық іс бойынша басқа да мәліметтер ҚР ҚПК-нің 201-бабы және ҚР Конституциясының нормаларына сәйкес жария етуге жатпайды.