Алматыда Қазақстан халқы бірлігі күні қалай өтті?

Салтанатты іс-шараға Алматы әкімі Ерболат Досаев қатысты.

Алматыда Абай алаңында Қазақстан халқының бірлігі күніне арналған мерекелік концерт өтті, деп хабарлайды Almaty-akshamy.kz

Мерекелік бағдарлама еріктілерді, азаматтық белсенділерді, Қазақстан халқы Ассамблеясының өкілдерін және су тасқынына қарсы күрестің басқа да қатысушыларын марапаттау рәсімінен басталды.

Алматы әкімі Ерболат Досаев су тасқынынан зардап шеккен азаматтар үшін гуманитарлық көмекті жинауға және жеткізуге белсенді атсалысқан Қазақстан халқы Ассамблеясының меценаттарына, сондай-ақ су тасқынына қарсы іс-шараларға қатысу үшін БҚО-ға іссапармен жіберілген еріктілерге, коммуналдық қызметтер мен кәсіпорындардың қызметкерлеріне алғыс білдіпді.

Қала басшысының атынан алғыс хат алғандар:

• Долкунтай Абдулхалил – Қазақстан ұйғырларының республикалық мәдени орталығының төрағасы;


• Махмуд Эляс – «Ариана» ауған орталығы» қоғамдық бірлестігінің төрағасы;


• Гахраман Садиев – «Әзірбайжандар қауымдастығы» РҚБ Алматыдағы филиалының төрағасы;


• Андрей Шин – «Алматы корей ұлттық орталығы» қоғамдық бірлестігінің төрағасы;


• Әбубәкір Войнце – «Дүнген қазақстандық қоғамы» қоғамдық бірлестігінің төрағасы;


• Манас Тәшібеков – «Мұрас»қырғыз этномәдени орталығы” қоғамдық бірлестігі төрағасының орынбасары;


• Рустам Қайрыев – Алматыдағы «Ассамблея жастары» РҚБ өкілдігінің кураторы, Алматы қаласындағы ҚХА су тасқыны салдарынан зардап шеккен адамдарға гуманитарлық көмек жинау жөніндегі штабтың басшысы;


• Анна Торосян – Алматыдағы «Жастар Ассамблеясы» РҚБ өкілдігінің төрағасы;


• Омар Мұхаммедсаруар-Алматыдағы «Жастар Ассамблеясы» РҚБ өкілдігінің мүшесі;


• Ғани Кандиев – ерікті, Алматы қоғамдық Кеңесінің сарапшысы;


• Сакен Ибраимов – «Алматы тазалық» жүргізуші-механик;


• Оразғали Омар – ерікті;


• Оқас Қуаныш – «Самұрық Констракшн тобы» самосвалының жүргізушісі;


• Айдар Сұлтаноа – «Adala Construction» инженер жолшысы;


• Асанова Шолпан – Алматы-1 станциясының жүк және багажды аға қабылдау-тапсырушысы. (толық тізім тіркелді).

Концерттік бағдарлама «ЖасStars» тобының орындауындағв «Ұлы жер» композициясы ашты. Көрермендер үшін этномәдени бірлестіктердің шығармашылық топтары болды: Агугай ансамблі, «Дервиши» тобы, Анжелика Шағарова, «Наири» ансамблі, «Қазан нұрлары» ансамблі (Татарстан), «Узбегим» ансамблі (Өзбекстан), Руми және Янис, «Бахар» кавказ би ансамблі, «Эламан» дуэті (Қырғызстан), Роман Ким және МузАрт тобы.

Республика сарайының алдында қайырымдылық жәрмеңкесі мен гастро фестиваль өтті. 10-нан астам ресторатор қазақ, түрік, өзбек, корей, неміс, қытай, грузин, орыс, армян, ұйғыр асханасының ұлттық тағамдарын ұсынды. Қаражат су тасқынының салдарын жою пайдасына «Демеу Қазақстан қоры» корпоративтік қорына аударылады. 

Мерекелік бағдарлама Maxi Fest қайырымдылық концертімен жалғасты. Сахнада қазақстандық эстрада жұлдыздары: Айқын, Qanay, Ayreе, Кешю тобы, Илхан Ықсан, Бекзат Кунанбай, Сиситай, Азия тобы, Артур Давлетияров, Әйгерім Қалаубаева, Ұланғасыр Қами және АLPHA тобы.

Сондай-ақ, мерекелік шаралар қаланың барлық ауданында да өтеді.