7 қаңтардан бастап Қазақстанда ауа райы күрт өзгереді: Оңтүстік-Каспий циклоны жауын-шашын мен дауылды жел әкеледі, деп хабарлайды aqshamnews.kz
Бұл циклон елдің солтүстік, шығыс және орталық бөліктерінде қарлы боран тудырса, оңтүстік өңірлерде жаңбыр мен қар жауады. Түркістан облысының таулы аймақтарында қатты жауын-шашын болжануда. Дауылды ескерту 14 облыс пен елордаға жарияланды.
«Қазгидромет» мәліметінше, осы циклонның әсерінен:
- Солтүстік-батыс, солтүстік, шығыс және орталық өңірлерде қар, боран, кей жерлерде қатты қар жауады.
- Оңтүстік-батыс, оңтүстік және оңтүстік-шығыс өңірлерде жаңбыр, қар күтіледі.
- Түркістан облысының таулы аймақтарында қатты жауын-шашын (жаңбыр, қар) болады.
7 қаңтарға 14 облыс пен елордада дауылды ескерту жарияланды.
Ауа райының қысқаша мәліметі:
▪️ Астана: күндіз −2-4 °C, бұлтты, кейде қар жауады. Қолайсыз боран, көктайғақ, желдің жылдамдығы 9-14 м/с. Түнде −13-15 °C, қатты қар жауып, боран болады, кейде тұман түседі.
▪️ Алматы: күндіз +2+4 °C, желсіз, жауын-шашынсыз. Түнде −5-7 °C, кейде қатты қар жауып, тұман және көктайғақ күтіледі.
▪️ Шымкент: күндіз +6+8 °C, түстен кейін жаңбыр жауады. Таңертең және күндіз желдің екпіні 23 м/с-қа дейін күшейеді. Түнде −6-8 °C, қар, боран күтіледі.