Алматы қаласында онкологиялық көмекті 76 МСАК ұйымы көрсетеді, олардың негізгі мақсатының бірі белсенді түрде онкологиялық ауруды ерте сатысында анықтау, деп хабарлады Алматы онкологиялық орталығы директорының орынбасары Жанна Кужаева ӨКҚ-де өткен брифингте.
Осы мақсатқа жету үшін жатыр мойны обыры, сүт безі обыры және тоқ ішек обыры бойынша мақсатты халықты скринингтік тексеру жүргізіледі.
- 2023 жылдың қорытындысы бойынша қала бойынша скринингтік тексеру жоспарының орындалуы 99,6%-ды құрады.
- Соның ішінде 73 229 әйел жатыр мойны обырына, 82 944 әйел сүт безі обырына, 89 923 науқас тоқ ішек қатерлі ісігіне скринингтік тексеруден өтті.
- Скрининг нәтижесінде онкологиялық аурудың 298 жағдайы анықталды: 38 – жатыр мойны обыры, сүт безі обыры – 214, тоқ ішек обыры – 46 жағдай.
- 95,6% (285 жағдайда) қатерлі ісік ерте сатысында анықталғаны қуантады.
Маман ерте кезеңде анықталған ауруды емдеу жеңілірек, ал кейбір жағдайда ауруды толығымен жеңуге болатынын тағы бір еске салады!