Алматыда қарашаның аяғында қандай қызық іс-шаралар өтеді? Қайда барып демалуға болады? Толығырақ Аqshamnews.kz материалында.
Концерттер
Осы демалыста бірнеше концерт жоспарланған:
- 28 қарашадаШәмші әлемі концерті жоспарланған. Вальс королінің шығармашылығы ойналады. Билеттерді мына жерден сатып алуға болады.
- 28 қарашада Say Mo алғашқы жеке туры - 1 Shot Tour аясында қалада жеке концертін береді. Билеттер мына жерде.
- 28 қарашада ЮНИСЕФ-тің алғашқы Гала-кеші өтеді. Сахна төрінде ЮНИСЕФ-тің Қазақстандағы Ізгі ниет елшісі ALEM және аты әзірге құпия сақталған өзге де әйгілі әртістер өнер көрсетеді. Билеттер мына жерде.
- 29 қарашада Республика сарайының сахнасында Moldanazar тобының жаңа форматтағы бірегей концерті өтеді. Билеттерді мына жерден сатып алуға болады.
- Ал жексенбіде түрік сериялары әлеміне қызығушылар үшін BN Team жеке кеш бермек.
- Билеттер мына сілтемеде.
Театр
Ғабит Мүсірепов атындағы Қазақ мемлекеттік академиялық балалар мен жасөспірімдер театрында:
- 28 қарашада "Қаһар"
- 29, 30 қарашада "Ревизор" спектакльдері қойылады.
Мұхтар Әуезов атындағы Қазақ ұлттық драма театрында:
- 27 қарашада "Қоштасқым келмейді" спектаклі қойылады.
Кино
Алматыда 28-30 қараша аралығында қыдыратын орындардан бөлек, қазақстандық "№37" драмасын, "Bayguys" комедиясын және "Аңдар шаһары 2" мультфильмін тамашалауға болады.
Stand-up
- 28 қарашада "Ұят емес" жобасы өтеді. Онда комиктер көрермендермен бірге бастан өткен ең ұят хикаяларын талқылайды. Бұл күні кеш қонағы - Alpha тобының солисі I. Билеттерді мына жерден сатып алуға болады.
Бұдан басқа
Дүйсенбі-жұма аралығында Шәкен Айманов атындағы "Қазақфильм" ұлттық киностудиясында экскурсия жасалады. Сағат 9:00-17:00 аралығында киностудия аумағын аралап, тарихымен таныса аласыздар.