Алматыда қала тұрғындарын референдумға қатысуға шақырған ерекше анимациялық ролик жасалды, – деп хабарлайды aqshamnews.kz тілшісі.
Басты кейіпкер — мұз айдынында сырғанап жүрген ертегідегі пингвин.
Ол Михаил Шайдоровты жеңісімен құттықтап, алдағы референдумға қатысу керек екенін еске салды. Бейнероликте пингвин мұз үстінде арлы-берлі сырғанап, соңында тікелей сайлау учаскесіне келіп тоқтайды да, қазақстандықтарды дауыс беруге шақырады.
«Сіздің дауысыңызға қарап тұрмыз!» — деп әзіл араластырып айтады кейіпкер. Замандық технологиялар мен шығармашылық тәсілдің басын біріктірген бұл жоба жастар мен қала тұрғындарын азаматтық өмірге тартатын тиімді жол болып отыр.
Анимация жарқын визуалды эффектілерді, әзілді үйлестіріп, үндеуді қай жастағыларға болсын жағатындай етіп жеткізген. Ролик авторларының айтуынша, жобаның мақсаты — азаматтарды елдің болашағын айқындайтын тарихи сәтке селқос қарамауға шақыру.
