Алматыда ретсіз орнатылған жарнамалық құрылымдар мен ғимараттардың кіреберісі мен маңдайшаларын тәртіпке келтіру жұмыстары күшейтіледі, деп хабарлайды Aqshamnews.kz.
Қала әкімі Дархан Сатыбалдының айтуынша, мұндай нысандар шаһардың сәулеттік және эстетикалық келбетіне кері әсер етіп отыр.
Қолданыстағы дизайн-код қалалық кеңістікті безендірудің негізгі талаптарын айқындағанымен, оны жүзеге асыру тетіктері әлі де жетілдіруді қажет етеді. Осыған байланысты дизайн-кодтың кейбір нормаларын қайта қарап, заман талабына сай бейімдеу, сондай-ақ олардың сақталуын бақылауды күшейту ұсынылды.
Жұмыс алдымен көркейту жүргізіліп жатқан көшелерден басталып, кейін кезең-кезеңімен қаланың барлық аумағын қамтиды. Тиісті басқармалар мен аудан әкімдіктеріне бұл бағыттағы жұмысты күшейту тапсырылды.