«Қайтарылған активтерді басқару компаниясы» Кайрат Сатыбалдыға тиесілі ЖШС-лардың бірімен байланысты аяқталмаған бизнес-орталығын сатылды, деп хабарлайды aqshamnews.kz.
Сауда аукционы осы жылдың қазан айының соңында өтті. «Орион» бизнес-орталығының 21,5 мың шаршы метр алаңы 6,2 миллиард теңгеге сатылды. Аукцион классикалық тәсілмен, яғни бағаны көтеру арқылы өтті.
Еске сала кетейік, сату туралы хабарлама осы жылдың қазан айында мемлекеттік мүлік электронды сауда сайтында жарияланған. Сатушы — мемлекеттік «Қайтарылған активтерді басқару компаниясы» ЖШС-гі. Бастапқы баға — 6,2 миллиард теңге, ал аукцион 24 қазан күні басталды.
Бизнес-орталық «Baidala V» ЖШС-не тиесілі. Оның құрылтайшысы және бірінші басшысы Бақытжан Кұлбаев болып табылады. Компания 2021 жылы құрылды және өзінің жылжымайтын мүлігін жалға беру және басқарумен айналысады. ЖШС-нің бизнесі бастапқыда сәтті өрбіді: ашылған жылы компания 11 миллион теңге салық төледі (сол жылы бизнес-орталықтың құрылысын жүргізу үшін жер учаскесін сатып алған). Ал 2022 жылы салық көлемі 100 миллион теңгеден асты. 2023 жылы бұл сома 1,8 миллиард теңгеге жетті. Алайда, 2024 жылдың соңына қарай компанияның көрсеткіштері күрт төмендеп, тек 4 миллион теңге салық төлеген.
