Алматы қаласында ҚР Қорғаныс министрлігінің "ЦСКА" стадионында Ұлы Отан соғысындағы Жеңістің 80 жылдығы мен Кеңес Одағының Батыры Әлия Молдағұлованың 100 жылдығына орай шағын футболдан турнир ұйымдастырылды, деп хабарлайды aqshamnews.kz.
Додаға қалалық полиция департаментінің түрлі бөлімшелерінен құралған 17 команда, яғни 204 полиция қызметкері қатысты. Бұл жарыс – спорттық шеберліктің ғана емес, тәртіп сақшыларының жауынгерлік рухы мен ұжымдық бірлігін көрсеткен маңызды іс-шара болды. Әр матч – стратегия мен шапшаңдық, өзара қолдау мен жеңіске деген жігердің үлгісіне айналды.
Турнир қорытындысы бойынша жеңіс тұғырынан ЖҚАЖ командасы көрінді. Олар өздерінің мықты дайындығы мен төзімділігін дәлелдеді. Екінші орынды Әуезов аудандық полиция басқармасы иеленсе, үшінші орын Алмалы аудандық полиция басқармасына бұйырды.
Жеке номинациялар бойынша: - Үздік қақпашы – Еркебұлан Ораз (Әуезов аудандық ПБ); - Үздік қорғаушы – Ердос Сексенбаев (Алмалы аудандық ПБ); - Үздік ойыншы – Мағжан Құдретулла (ЖҚАЖ инспекторы) марапатталды. Бұл турнир – спорттық сайыс қана емес, темірдей тәртіп пен ұйымшылдықты паш еткен жарқын мереке болды. Алматы полициясы кезекшілікте де, алаңда да