Алматыда "Полиция – Ел қорғаны" фестиваліне орай көлік қозғалысы уақытша шектеледі.
Қазақстан полициясы күніне арналған «Полиция – Ел қорғаны» фестиваліне байланысты 27 маусым күні сағат 19:00-ден 23:00-ге дейін Республика сарайына іргелес аумақта көлік қозғалысына жартылай шектеу қойылады.
Шектеулер қолданылады:
- Достық даңғылы бойымен – Құрманғазы көшесінен Сәтбаев көшесіне дейін (екі бағытта);
- Абай даңғылы бойымен – Достық даңғылынан Назарбаев даңғылына дейін (екі бағытта).
Фестивальге келген қонақтардың санын ескере отырып, қоғамдық қауіпсіздікті қамтамасыз ету мақсатында жол қозғалысы реттелмек.
"Жүргізушілерден өз бағытын алдын ала жоспарлауды және уақытша шараларға түсіністікпен қарауды сұраймыз", - делінген хабарламада.