Алматыда жасөспірімдер мен жастар, жасөспірім қыздар мен бойжеткен қыздар арасында 2024 жылғы өрт-құтқару спортынан әлем чемпионаты өтеді, деп хабарлайды aqshamnews.kz
15-18 тамыз аралығында қала осы ауқымды оқиғаның орталығына айналады.
2014 жылы Алматыда ересектер арасында халықаралық жарыс өткен. Сол кезде өрт-құтқару спорты тарихында алғаш рет әйелдер арасындағы чемпионат ұйымдастырылған.
Биыл үздік жас өрт сөндіруші-құтқарушы атағы үшін алты елдің Беларусь, Болгария, Қазақстан, Ресей, Словакия, Чехия командалары арасында сайыс өтеді. Камерун мен Сауд Арабиясының өкілдері бақылаушы болады.
Ашылу салтанаты 15 тамызда сағат 20:00-де Орталық стадионда өтеді.
Бұл арнайы отты эффектілер және артистер қатысқан жарқын шоу болады.
Жабылу және марапаттау рәсімі 18 тамызда сағат 20:00-де өтеді.
Командаларды қолдаңыз, кіру тегін!