Қаржы мониторингі агенттігі "PokStars" және "LuckyShark" атты заңсыз онлайн-құмар ойындарын ұйымдастырған тұлғалар тобына қатысты тергеуді аяқтады, деп хабарлайды aqshamnews.kz
Агенттіктің мәліметінше, бәс тігулер банк арқылы қабылданып, одан соң ойыншыларға жүйеге кіру үшін логин мен құпиясөз берілген.
“Қаржылық операциялар туыстары мен үшінші тұлғалардың, соның ішінде шетел азаматтарының (дропперлердің) атына рәсімделген банк карталары арқылы жүргізілген. Жаңа ойыншыларды тарту мақсатында әлеуметтік желілерде ойын клубын жарнамалайтын нысаналы жарнама қолданылған”, – делінген хабарламада.
Сот үкімімен үш кінәлі тұлға 2 жыл 6 айдан 4 жыл 6 айға дейінгі мерзімге бас бостандығынан айырылды.
Сондай-ақ мемлекет пайдасына 116 миллион теңге заңсыз табыс пен "ZEEKR" маркалы автокөлік тәркіленген.