Парижде өткен 2024 жылғы Олимпиада ойындарының қола жүлдегері Александра Ле Алматыда Құрылтай депутаттарын сайлауға қатысып, өз таңдауын жасады, – деп хабарлайды aqshamnews.kz тілшісі.
Спортшы №685 сайлау учаскесіне барып, дауыс берді.
Александра Ле есімі Париж Олимпиадасынан кейін қазақстандық жанкүйерлерге жақсы таныс болды. Ол Ислам Сатпаевпен бірге оқ ату спортынан аралас командалық сайыста қола медаль жеңіп алды. Бұл жүлде Қазақстан құрамасының Олимпиададағы алғашқы медалі болды.
Бүгін Олимпиада жүлдегері Алматыдағы сайлау учаскесіне келіп, Құрылтай сайлауында дауыс берді.
Айта кетейік, осы №685 сайлау учаскесінде бұған дейін Александра Лемен бірге Париж Олимпиадасында қола жүлде иеленген Ислам Сатпаев та дауыс берген.