"Қазгидрометтің" болжамына сәйкес, Алматы қаласында 16 мамырдың кешінен бастап кей жерлерде 20 мм-ге дейін нөсер жаңбыр жауады, деп хабарлайды Almaty-akshamy.kz
Жауын-шашын кезінде су басудың алдын алу үшін мотопомпалармен және шанц құралдарымен жабдықталған 52 жедел мобильді бригаданың кезекшілігі ұйымдастырылатын болады. 2,3 мың қап құм дайындалды. Қажет болған жағдайда жұмысшылар мен арнайы техниканың саны ұлғаяды. Аудандық әкімдіктерде жұмыс өндірісін бақылау бойынша тәулік бойы кезекшілік ұйымдастырылады.
Бүгінгі таңда коммуналдық қызметтердің күшімен арық желілерін, арық өткелдерін және кездейсоқ қоқыстар жиналған жерлерді тазарту жұмыстары жүргізілді. 15 мамырдағы жағдай бойынша шамамен 865 тонна қоқыс, смета және лай сыртқа шығарылды. Барлық арық желілері тазартылды.
"Ауа-райының нашарлауына байланысты қала тұрғындары мен қонақтарына тауға барудан бас тарту ескертіледі. Жүргізушілерге ағаштардың құлау қаупі мен электр желілерінің үзілуіне байланысты көліктерді жол жиектеріне қоймауға кеңес беріледі"делінген Алматының коммуналдық инфрақұрылымды дамыту басқармасы таратқан ақпаратта.
Су басып қалуды болдырмау үшін қала тұрғындарынан арықтарға, нөсер ағындары мен каналдарға қоқыс тастамауды сұраймыз. Тәртіп бұзушылар ҚР ӘҚБтК-нің 505-бабы бойынша "Қалалар мен елді мекендердің аумақтарын абаттандыру қағидаларын бұзу, сондай-ақ инфрақұрылым объектілерін бұзу, қала мен елді мекендердің жасыл желектерін жою және зақымдау" бойынша әкімшілік жауапкершілікке тартылатын болады.