Алматы қаласының Әуезов ауданында мас күйде мопед басқарған 2001 жылы туған ер азамат ұсталды. Бұл туралы Polisia.kz сайтына сілтеме жасап Aqshamnews.kz хабарлайды.
Полиция қызметкерлері Өтеген батыр көшесінде жол ережесін бұзып, көлікті сенімсіз басқарған мопед жүргізушісін тоқтатқан. Медициналық сараптама нәтижесінде оның алкогольдік масаң күйде болғаны анықталған.
Сот қаулысымен құқық бұзушы 15 тәулікке әкімшілік қамауға алынып, 7 жыл мерзімге көлік жүргізу құқығынан айырылды.
Алматы қалалық ПД өкілі Серік Шумаевтың айтуынша, мас күйде көлік жүргізу – жол қозғалысына қатысушыларға тікелей қауіп төндіретін ауыр құқық бұзушылық. Бұл әрекеттер Профилактика жылы аясында қатаң бақылауда болады.