Қазақстанға көші-қон заңнамасын өрескел бұзып келген шетелдіктер анықталды.
Заңнаманы бұзушылар Алматы қаласының көші-қон және жергілікті полиция қызметі бірлесіп жүргізген іс-шара нәтижесінде белгілі болды, деп хабарлайды Almaty-akshamy.kz.
Polisia.kz-тің мәліметінше, ЖААІ-ның бірінші күні жергілікті рейдтер барысында 112 заңсыз шетелдік анықталды: Өзбекстанның – 90, Тәжікстанның – 11, Түркияның 8 және Нигерияның 3 азаматы. Қабылдап-таратуға жеке басын куәландыратын құжаттары жоқ 52 шетелдік орналастырылды. Көші-қон заңнамасын бұзушыларға әкімшілік шара қолданылды.