Алматыда Әл-Фараби даңғылы бойындағы көпір астынан ер адамның денесі табылды. Аталған дерек бойынша Бостандық аудандық полициясы қылмыстық іс қозғап, оқиғаның мән-жайын анықтап жатыр, деп хабарлайды Aqshamnews.kz тілшісі.
Мәліметке сәйкес, оқиға орнына полиция қызметкерлері мен жедел қызмет өкілдері барған. Қажетті тергеу әрекеттерін жүргізу үшін аумақ қоршауға алынған.
Алматы қалалық полиция департаментінің мәліметінше, бұл факті бойынша Бостандық аудандық полиция басқармасы қылмыстық іс қозғады. Қазір оқиғаның себебі мен өзге де мән-жайлары анықталып жатыр.