Алматыда Конституциялық реформалар мен әлеуметтік даму моделін трансформациялаудың өзекті мәселесі талқыланды.
Конференцияға Парламент Мәжілісінің Халықаралық істер, қорғаныс және қауіпсіздік комитетінің төрайымы Айгүл Құспан, Мәжіліс депутаттары Айдос Сарым мен Жұлдыз Сүлейменова, сондай-ақ еліміздің ғылыми-зерттеу ұйымдары мен жоғары оқу орындарының жетекші сарапшылары қатысты, деп хабарлайды Almaty-akshamy.kz
Талқылау барысында елдің әлеуметтік дамуының жоспарын іске асыру бойынша ұсыныстар айтылды. Әсіресе, мемлекет пен қоғам алдында тұрған жаңа міндеттерді шешудегі түрлі тәсілдерге басымдық берілді.
"Неге қазіргі кезеңде кедейлік мәселесі бар. Жастардың көбі неге қоғамдық еңбектен оқшау қалып тұр. Қазіргі кезеңде құндылықтар қалай өзгеріп жатыр? Әсіресе, жастардың отбасын құруға, жұмысқа деген құндылығы, басқа құндылықтары өзгеріп жатыр. Қарайтын мәселелер өте көп", - деді социология ғылымдарының докторы Мәнсия Садырова.