Алматы әкімі жасыл желектерді суару мәселесіне қатысты пікір білдірді, деп хабарлайды Аlmaty-akshamy.kz.
Аудан тұрғыны:
- Жасыл желектер туралы сұрағым бар. Тамшылатып суару жұмыстары Абай, Сайын, Алтынсарин даңғылдары бойында жүргізілді, бірақ, соған қарамастан, ол жердегі ағаштар қурап жатыр. Қаладағы барлық жасыл желектерді толық түгендеп, санитарлық кесу жұмыстарын жүргізу қажет, сонымен қатар тамшылатып суару әдісін орнату технологиясын қайта қарауды сұраймын.
Алматы қаласының әкімі Ерболат Досаев:
- Мен сізді қолдаймын. Өкінішке қарай, ауру ағаштарды кесуге үзілді-кесілді қарсы әріптестеріңіз бар. Жыл соңына дейін жасыл желектерді күту ережелерін қабылдаймыз. Бұл құжатта тамшылатып суару әдісін салу ережелері мен нақты критерийлері де жазылады. Қаланың жасыл қорын кезең-кезеңімен жаңарту мақсатында ағаштардың жағдайын зерттеуге барлық ботаника институттарын тартамыз.