Электронды сауда алаңында Алматы облысында сақтаулы тұрған автобустар мен троллейбустарға қатысты лот жарияланды, деп хабарлайды aqshamnews.kz
Аукцион бағаны көтеру әдісімен өтеді, бастапқы құны – 37 666 225 теңге. Сауда 2 қыркүйекте басталады. Жеңімпаз көліктерді өзі шығарып әкетіп, «автобустар зиратынан» тыс жерде бөлшектеп, сыныққа өткізуге міндетті.
Бағалау есебіне сәйкес, аталған көліктер ұзақ уақыт бойы қараусыз, бос. Барлық автобус пен троллейбус жарамсыз күйде, кейбірінде қозғалтқышы жоқ немесе істен шыққан. Оларды қайта қалпына келтіру мүмкін емес, пайдалануға жарамайды.