Алматы қаласы әкімдігі, Алматы қаласы Мәдениет басқармасы қолдауымен және “Алатау” дәстүрлі өнер театрының ұйымдастыруымен Алматы қаласының туған күніне орай Жәнібек Кәрменов атындағы ІІ Республикалық дәстүрлі әншілер байқауы өтеді, деп хабарлайды Almaty-akshamy.kz.
Байқаудың мақсаты - ҚР еңбек сіңірген артисі, дәстүрлі әнші Ж.Кәрменовтің шығармашылығын кеңінен насихаттап, асыл қазынамыз дәстүрлі ән өнерінің үздік өнерлерін халыққа кеңінен танытып, көрермен сағынышын басу, Алматы қаласында жыл сайын тұрақты түрде өтетін республикалық дәстүрлі әншілер конкурсын ұйымдастыруды қалыптастыру, ән өнеріндегі тұлғаларымызды және олардың шығармашылығын насихаттау, сондай-ақ халыққа жаңа есімдерді, дарындарды таныстыру.
Байқау 14 қыркүйек күні, сағат 10.00-де басталады. Кіру - тегін.
