Алматыдан Есікке дейін үлкен сыйымдылықтағы автобустар қатынай бастады.
Мегаполисті агломерациямен көлік байланысын арттыру мақсатында Алматыда қала маңындағы қоғамдық көлік бағыттарын ашу жалғасуда, деп хабарлайды aqshamnews.kz
15 қазаннан бастап «Райымбек» метро бекетінен Есік қаласына дейін үлкен сыйымдылықтағы автобустар қатынайды, соңғы аялдамасы – Еңбекшіқазақ ауданының Қызылжар ауылы.
№252 бағытында 25 автобус қызмет көрсетеді, олардың жүру аралығы – 10 минут. Бұл бағытқа «ECOBUS SERVICE» ЖШС қызмет көрсетеді.
Бұған дейін Алматыда 34 қала маңы бағыты ашылып, оларға 491 автобус бөлінген болатын. Жыл соңына дейін Алматы агломерациясындағы 70-ке жуық елді мекенді қамтитын тағы 19 бағыт ашу жоспарланып отыр.
