Алматы қаласы Білім басқармасына қарасты «Көлік және коммуникация колледжінде» қалалық семинар өтті. Семинарға қаладағы колледждердің арнайы пән оқытушылары қатысты.
Семинар шетелдік тәжірибені қолдану туралы болды. Алматы қаласының Білім басқармасы мен әкімдігінің қолдауымен Алматы көлік және коммуникация колледжінің арнайы пән оқытушылары мен шеберлері 2023 жылдың қыркүйек-қазан айларында Финляндия елінде тағылымдамадан өтті.
Тағылымдама қорытындысы бойынша, «Автоматтандыру және телемеханика» және «Темір жолдардың электр жүйелерін электрмен жабдықтау» мамандықтары бойынша оқытушылар Финляндияның білім беру жүйесінің элементтерін өз оқу үрдісіне енгізуді бастады. Олар теориялық білімдерін талдап, практикалық дағдыларды дамытты, бұл бәсекеге қабілетті мамандарды даярлауға мүмкіндік берді. Оқытушылар Финляндиядан жинақтаған өмірлік тәжірибелерін, оның ішінде мұғалімдер мен студенттер арасындағы психологиялық қарым-қатынасты, білім беру саласындағы әдістерді қолдануда.
Семинарды АМКК директоры Магазов Е. мен Алматы қаласы Білім басқармасының әдіскері Дайырманова Д. құттықтау сөзбен ашып берді.
Семинарда Нұржанова Г. және Габдрахим А. «Арнайы пәндерді жүргізуде, дипломдық және тәжірибелік жұмыстарды орындауда жобаны жүзеге асыру» тақырыбына тоқталды. Оразбай М. студенттердің жобаларға көзқарасын «Жобаның нәтижесі бойынша студенттердің көзқарасы» тақырыбында баяндады. Темірбекова Р. «Жобаға қажетті ресурстар мен оның даму перспективалары» туралы айтып өтті. Ал Салимова С. «Жоба бойынша жасалған әдістемелік жұмыстарды» таныстырды. Баянов Ж. «Электр монтаждық жұмыстарды колледж шеберханасында жүзеге асыру» бойынша сабақтарды көрсетті.
Семинар соңында қатысушылар өз пікірлерімен бөлісіп, семинардың жоғары деңгейде өткеніне ризашылықтарын білдіріп, жақсы көңіл-күймен тарқасты.