Жуырда Алматы қаласы Наурызбай аудандық пробация қызметі есебінде тұрған соталғандар арасында шағын футболдан жолдастық кездесу өтті.
Шағын футболдан өткен жарысқа бес команда қатысып, жеңімпаз команда мен ойын барысында белсенділік танытқан ойыншылар арнайы сыйлықтармен марапатталды, деп хабарлайды Almaty-akshamy.kz Polisia.kz-ке сілтеме жасап.
«Сотталғандар арасында түрлі спорттық ойындар мен қоғамға пайдалы іс-шаралар өткізудің өзіндік зор маңызы бар. Біріншіден, мұндай іс-шаралар олардың арасында салауатты өмір салтын насихаттайды. Өйткені сотталғандардың көбісі – ішімдіктің салдарынан қылмыс жасағандар. Екіншіден, пробация есебінде тұрғандардың қайталап қылмыс жасамауларына, керісінше спортпен айналысып, адал өмір сүруге үндейді», – дейді Алматы қаласы Наурызбай аудандық пробация қызметінің аға инспекторы Айдос Қазыбаев.