Алматы қаласында балалардың денсаулығы мен әлеуметтік қорғалуын жақсартуға бағытталған ерте араласу бағдарламасын жүзеге асыру жұмыстары жүріп жатыр. Бұл туралы Aqshamnews.kz сайты хабарлайды.
2024 жылғы 4 желтоқсандағы Алматы қаласы әкімдігінің №4/675 қаулысына сәйкес құрылған «Ерте араласу әлеуметтік қызметтер орталығы» (КММ) ерте жастағы балалардың дамуындағы бұзушылықтарды анықтау және оларға кешенді көмек көрсету мақсатында жұмыс істейді. Бұл шаралар балалар арасындағы мүгедектік деңгейін төмендетуге және отбасылардың өмір сүру сапасын арттыруға бағытталған.
Сонымен қатар қалада «Ерте араласу орталығы» (ШЖҚ КГП) да қызмет етеді, оның негізгі міндеті – ерте жастағы балаларға реабилитациялық және диагностикалық көмек көрсету.
Бағдарламаның кейбір функциялары екі мекеме арасында қайталанып отырғандықтан, олардың қызметін тиімді үйлестіру үшін оңтайландыру жұмыстары басталды. Осы мақсатта «Ерте араласу әлеуметтік қызметтер орталығы» КММ-не «Ерте араласу орталығы» ШЖҚ КГП-ні қосу арқылы реорганизация жүргізу туралы шешім қабылданды.
Қайта ұйымдастырылған жаңа орталық ерте араласу жүйесінің негізгі элементіне айналып, балалардың денсаулығы мен әлеуметтік қорғалуын нығайтуға ықпал етеді. Бұл қадам қызмет көрсетудің сапасын арттыруға, ресурстарды тиімді пайдалануға және балаларға көрсетілетін көмектің кешенділігін қамтамасыз етуге бағытталған.
Қазіргі уақытта орталықтарды біріктіру рәсімі ресми түрде басталды.